هنا الأسكندرية

جليم (اللى عادة بنقول عليها بحرها زيت لأنها خليج صغير مش مفتوحة قوى).. وما كان لسان فى البحر -خلفية الصورة- بجانب المطاعم و الكافيتريات فى مقدمة الصورة ....وكله غرقاااان

إسكندرية إمبارح كانت بهههههههههههدلة..ههههه
انا بأضحك دلوقتى لكن أنا إمبارح كنت محاصرة فى العربية ( اللى لحظتها بقت برمائية ) ما يقارب الأربع ساعات على الكورنيش مش قادرة أوصل لإجتماع مهم! . أنا عمري ...اللى هو كتير يعنى ...ما شفتها كده !
فعلا اللى كان موجود هناك وقتها هايحس بجبروت الهواء و المية اللى شالوا أجزاء ضخمة من سور البحرالأسمنتي ورموه فى وسط الشارع مع الرمل كمان وأى أكشاك أو كراسى أو ترابيزات واللى فى جليم رفعوا قوارب الصيد للرصيف ) !!!

بس برضه بحب المطر و الهوا و البرق و الرعد :) ـ

الجبــاران

خفيفان شفافان رقيقان مرتبطان غالبا براحة النفس متى ذكرا

الماء و الهواء

لكن

ماء تجمد ...بسهولة يقطع الحديد كالسكين فى الزبد
ماء تبخر ... يتحول لسحب تغدر بطيور الحديد ثم تنهمر كسيول تأكل التراب وتبتلع الأسفلت و تدحرج الصخر كما كرات اللعب
ماء باق فى مكانه يشاحنه هواء ثائر ... ترى جبالا فى البحر مالها من قاهر وأعتي السفن تصبح كريشة فى عاصفة
الهواء ... بعض ثورته ويمكنه تدمير أى شئ فى طريقه

أحبهما جدا لكني أخافهما أكثر من أى مخلوق أخر

سبحان خالقهما

على هامش أول يوم شتاء فعلى فى الأسكندرية فى 2010
هيييييه ... شتا ورعد و برق

a city

To mention that city is to make something sink deep in the heart, into the black. It's not connected directly to the memory... a strange effect. The stranger is the effect of the original city, the one that is really connected to the memory, it brings a mild mood of foggy sky-blue vision, and between black and sky blue I can't find a good explanation!.

خيبة أمل راكبة ....... قرش

أول أمبارح - تعرض 4 سياح لبتر اجزاء من أطرافهم اثناء سباحتهم فى شرم الشيخ بواسطة قرش متوحش

إمبارح - خبر صغير من وزارة البيئة ان مركب ألقت خراف نافقة فى البحر الأحمر هي السبب و جثث الخراف هى اللى جذبت القروش المتوحشة للشواطئ

إمبارح برضه - إلقاء القبض "والله موقع أخبارى كان كاتبها كده" على القرش المتهم وفى الواقع هما قرشين قرايب وتمت مضاهاة بصمات الفكين وإصابات الضحايا و ثبت بما لا يدع مجال للشك انهما الفاعلين و بناء عليه صدر قرار بتحنيطهما عقابا لهما وجعلهما عبرة لمن يعتبر

النهاردة - القرش الخفي ... قريبهم التالت ...قتل سائحة ألمانية
و الشواطئ كلها اتقفلت

معرفش بس افتكرت المرحوم الدكتور حامد جوهر .. اللى مافلحناش إلا فى التريقة على طريقة كلامه ( على كبر سنه) و نسينا اهميته واللى كان بيمثله كعالم كبير الله يرحمه

ياللا من ضمن ...

فى بيتنا بلكونة

بس مش بتاعتنا ..بتاعة الجيران

بصراحة فى منطقتنا ماكانش فيه اى حاجة تدل على اى حاجة اسمها انتخابات
يمكن اكون لمحت يافطة او اتنين مش مميزين على بعد يعنى على اطراف الحى كده قرب المناطق الشعبية فى الحى - اصل احنا فى المنطقة الأرقى نسبيا منه
ما أعرفش مين المرشحين إلا من زميلى اللى ساكن فى نفس المنطقة بس أقرب للجزء الشعبى منى و اللى فسر لى حالة الهدوء الأنتخابي التام فى منطقتنا أننا أساسا مالناش قيمة لأى مرشح لأن منطقتنا أغلب عماراتها فاضية ! يعنى انا المقيمة من مليون و ميت الف سنة هنا ماليش قيمة
ولو ان بصراحة برضه ماتفرقش معايا مين مرشح ومين لأ . لأنها أصلا ماتفرقش معاهم .. أنا سلبية .. عارفة
انما اللى اصابنى من الانتخابات هو انى فى يوم فى الصالة لقيت بلكونة قدامى على طول ولو حد وقف فيها ان شاء الله هايتفضل معانا غداء و عشاء و إفطار
ليه بقى ؟ لأن منه لله بقى اللى كان السبب - اللى انا ماعرفوش بالضبط - سمح قبل الأنتخابات للمقاولين - اللى كانوا زى الفيران من فترة- يعلوا العمارات زى ماهم عاوزين و بالتالى العمارة اللى ترخيصها يخليها مستواها اقل من مستوى عمارتنا مع انه نفس عدد الادوار (انما الاسقف دلوقتى منخفضة اكثر من زمان) اصبحت بقدرة قادر ضعف عدد ادوار التصريح
شارعنا اللى طوله 100 متر لوحده فيه 3 عمارات بالشكل ده . الدور كان بينتهى فى يوم مش عارفة ازاى . و التشطيب بالكامل فى يوم كمان ودمتم
والفرجة الحقيقية كانت الادارة الهندسية فى الحى و هى عاملة هجوم تتارى كل يومين قال ايه زعلانين وواخدين على خاطرهم من المقاول انه بيبنى مخالف !!! بس الحق يقال المقاول كان دايما بياخد بخاطرهم ويبدى اسفه وندمه على خطأ غير مقصود

انا بكتب الكلام ده ليه بقى ... اصل بصراحة مش غاوية اعزم الجيران على الفطار و الغدا و العشا كل يوم وعلشان كده انا بأقول لأى حد عاوز يشترى شقة مايجيش منطقتنا أصل كل العمارات وحشة و الشقق كمان غالية قوى بتشطيب اى اى اىىىىىىى كلام

مش ليا حق بقي لما اقول عاوزة اروح اى حتة تانية ؟

Ooooops

Just noticed that I might have made a huge mistake with one post a few days ago. we'll see!.

أراك عصي الدمع - أم كلثوم / السنباطي / أبي فراس الحمداني

ودي كمان سمعتها امبارح بالليل :) فيه ناس ربنا خلقها علشان تسبب البهجة لغيرها

ياااااه... والله زمان

بعد سنين طويلة ... امبارح استرجعت عادة قديمة ...انتهيت من قراءة رواية كاملة فى ليلة واحدة
يمكن الظروف كانت مناسبة ويمكن الرواية كانت قابلة للإنتهاء فى ليلة واحدة بس عموما انا فرحت كتير و افتكرت ايام وكتب جميلة مرت من زمن

huMan nature !?

A question just hit me! why is it almost always that smart successful professionals tend also to play charmers ,even if jeopardizing their success or social life ? Pushing it to the limit to affirm their smarts and/or luck or what ?!!

بتناديني ..دنيا مسعود

كنز صغير عثرت عليه ..محطة مصر ..أسطوانة لمطربة/ممثلة مصرية اسمها دنيا مسعود .. اللى مكتوب على ظهر الاسطوانة أنها سافرت جوه مصر من شرقها لغربها و من شمالها لجنوبها و جمعت أغاني فلكلورية كثير و غنتها فى حفلاتها اللى جوة وبرة مصر
الميزة الأساسية فيها بالنسبة لى أن أدائها بيوضح كل كلمة بتتقال ... صوتها حلو و محافظة على لهجة ولحن كل اغنية ( حسب تقديري الشخصي ) تماما كأني بأسمعها من أهلها
الموسيقى المصاحبة غالبا هى طبلة و كولة مش اكثر ... بيزودوا جدا الإحساس ببكارة الأغانى
رؤيتها وهى بتؤدى الأغانى ممتعة لأنها كمان ممثلة - انا تفرجت على الأغنية على يوتيوب وكل مرة لها أداء مختلف قليلا ولذيذ
أعتقد الأغانى دى تسعد اى حد عاوز يلاقى نفسه وسط الزحام اللى احنا بقينا فيه لما اللبنانى بيغنى خليجى فى حفلة مصري وخصوصا تسعد كل المصريين اللى برة مصر

الأغنية اللى قررت احطها من الأسطوانة هى مصرية أصيلة .. لحنا و لغة و خفة دم :) والمفروض حسب المكتوب أنها من أغاني الغجر فى مصر وبالذات المنيا

Smile :-)

The Book of Secrets

I opened it to read a few old lines, they made me smile once again. Pity how things start.... to end.
I wondered, is it wrong to be simple?, is it an execuse to be taken advantage of?, or it's just that life is too complicated to be handled simply?.
For a moment, I thought I wanted to to act simple once again, but really, nothing is that simple anymore.

The strangest thing is, it reminded me that I mostly show up in dreams, in white !! so far it's a white jacket, white dress, and white blouse !! check that out meshmesha :)!?

أقبل الليل - أم كلثوم

الناس دى كانت بتفهم :) ـ

Typically, the Modern Times :)

كليشيهات ..... ناقصاها هى كمان

واحدة تظهر فجأة بعد 10-11 سنة بدون اى علاقات من اى نوع لأننا أصلا كنا زملاء وبس علشان تعكس عليا مشاكلها وتحاول تقنعنى ان حالتى الصحية هى نتيجة حالة نفسية بسبب حالتى الإجتماعية !! وانها كمان تعبت لنفس السبب - بس هى ماكانتش واخدة بالها .. يبقى انا كمان مش واخدة بالي- بس هو ده السبب ... هى عارفة ( وده كفاية) !!ـ

و بعدين تحاول تقنعنى بعدها ان اهم حاجة اننا نحمد ربنا على اللى احنا فيه و انهم 24 قيرط موزعين بالعدل

... يا سلاااام

من ضمن آفاتنا كمان الإفتراض .. الكل بيفترض انه *حدق* و بيفهمها وهى طايرة .. مع انهم اصلا و لا بيفهموا ولا بيميزوا وكل اللى بيعملوه انهم بيطبقوا كليشيهات فاشلة منقولة من ايام جدة جدتى..لأن جدتى كانت متقدمة أصلا عن الموجود النهاردة . مهما حاولوا يقنعوا نفسهم بالعكس

العقل فعلا عضو ضامر فى مجتمعنا

.

.

ولسه .. غالبا هاعمل تاج اسمها كليشيهات .. فى الفترة الجاية انا متوقعة حاجات كثير

Light!

Basically, it was a closed chamber, designed to be in dark , then light came in ...

Ironically, light could have stayed in ...

صدفـة ـ عود

اغنية عايدة الأيوبي ذكرنى بها كلام قديم قرأته حالا ... و أغنية أحمد الحجار ظهرت بجانبها!
الأثنتان من أغانى المفضلة من زمن الحياة الوردية ، ومع أن عود من الاغانى الشجية جدا لكن للمفارقة مرتبطة عندى بذكرى كوميدية من أيام الكلية.
...
و الوهم مات...

على الهامش بالبلدي : الأتنين نموذج للى مالوش حظ . أنما ... محدش عارف الخير فين :)

صدفة - عايدة الأيوبي




عـود - أحمد الحجار

Sleek :)

I admit it, I have some strange favourite things :D, one of them is the look of samurai swords and how they are handled with utmost courtesy and respect !

Wills & Kate

P.S. I liked this flash segment on a british site :D made me laugh actually especially the last slide!. and turned it into pictures here.







The news had it yesterday, they are officially engaged. Prince William and Katherine Middleton are engaged, with the same famous sapphire engagement ring of Lady Di, his late mother. Anyway, my reflection on the matter, besides wishing him a much better luck than his parents, Is that they actually had known each other for Nine years, broke up briefly in 2007 an then got together again.
He's 28 , she's six month older. He's literally, an officer and a gentleman, who can really afford financially getting married at 21 if he wanted to, but nobody told him you got to get married!. she's 28, nobody told her she's way late and losing time or geting old and so!. They really got to know each other well, and took a step ahead when they felt it was right! Like that so much. But then again that was UK, not ARE ! :)
Well done Wills & Kate :) and good luck.

The Majida

If elegance and grace still have a name in the Arts in the Arab world, It's Majida Al-Roumi !.
I love this song very much but I never knew the co-singer till today, I liked this particular video because it's her own tribute to her father, the co-singer and the composer of the song, Halim Al-Roumi.

بالمناسبة

الأغنيتان الوحيدتان اللى اعرفهم لجوليا بطرس ويكفونى (لأنهم حلوين قوى لدرجة مش عاوزة أدور على أغانى تانية لها ). من فترة كنت قررت استعمل بصراحة فى تدوينة لكن لظروف ما تأخرت و نسيت وحرارة الموضوع اللى مش فاكراه دلوقتى راحت . لكن من يومين جاء ذكر جوليا بطرس و طبعا لازم اعبر عن اعجابى بصوتها و كلماتها و لحن ليش الحب الأول اللى حبيت هدوءه و لحن بصراحة المجنون اللى اضطريت استعين بصديق بيفهم عنى فى الموسيقى يقول لى اصله ايه ؟ وهو والعهدة عليه قال ان اصله عربى اصيل :) بس هو لحن بيفكرنى بحاجة مش فاكراها !! هههه ... المهم انى بحبه يمكن اكتر من اللحن الأول ـ

ياللا ...الأغنيتين أهديهم للصديق الخبير الموسيقى ... الله اعلم هو فين حاليا! :) - ولأى حد هاتعجبه الأغنيتين

وعيد سعيد على الناس كلها

ليش الحب الأول



بصراحة

~ ~ ~

تقريبا محدش واخد باله ... انه كما تدين تدان
ياللا .. ادينى بأتفرج

بس حقيقي اليومين دول نفسى الاقى 3 اشخاص موضوعيين متواجدين فى نفس المكان فى نفس اللحظة من الزمن

Red x Pink

It was too much red for my nerves !!

Does Anyone Know , Scorpions

Always Somewhere ( Acoustic version)

You and I

مش بهدوء

..............مجتمع دماغه بايظة

Francois Feldman

To forget completly a name, a fce, many related words and melodies of one person, only remembering that there was a favorite singer, once along time ago; and then suddenly remembering the name after almost 20 years, is a proof of the power of human memories, even thought to be erased totally by time or any other factor.

Between the age of 15 to 18 Francois Feldman was one of my favorite singers with a few set of songs of his. They were recorded from radio transmission with a very poor quality on my cassettes . I used to listen without almost understanding a word :) but it's just me anyway :D :D. I lost track of him completely like 18 years ago or maybe a little less, Only to remember his name out of the blue a week ago. And now here is one of my favorite songs of his from the old days :D :D .

P.S. I've always Loved french singers' voices :D :D I can't seem to stop now :) :)

- Les Valses De Vienne



- Le mal de toi



-Magic Boulevard

Pandora, and the flying Dutchman

Well , apart from feeling furious or stressed or sad for the past couple of days, I had a treat for the eyes. I've watched the movie starring Ava Gardner and James Mason :)))))))))) Yes , and I was just thinking, what was all that beauty on earth !!!!! and without any plastic surgeries too ;)

Ava Gardner, well, once called the world's most beautiful animal !!. I think enough is said, this title can never fit anyone else I think. she wasn't exactly the fineest actress here but was delighteful to see. especially with her very elegant gowns. superb :D:D :D

as Per James Mason, well, He is the sum of it all in one man. Always a happy event for me to see him in a movie, sharp & gentle, cold as ice & passionate, sarcastic & discreet, evil & kind. and one more charactaristic that characterized all the leading men in the 40s-50s , not a single wrinkle in the suit :D :D. I mean what kind of fabrics they used to have back then ? :D :D
anyway that wasn't his best performance too.
Still I loved to see them both on screen :)

لأ بجد بجد .. الناس بتتجوز ليه ؟

ليه ؟؟ يعنى لسبب محدد وهو وحظه يا لاقاه يا مالقهوش و لا علشان ده اللى ماشى فى البلد و الدنيا ؟ ولا علشان يطلعوا عقدهم على باقى الاطراف ولا هو كان بيبقى قصدهم طيب بس الظروف ؟؟

يعنى اللى يتعامل مع زوجته على انها ناقصة تربية ودين و تعليمها مش عاجبة ومع ذلك رامي لها - بالمعنى الحرفى - الاولاد تربيهم ليل ونهار لوحدها وتصرف عليهم كل حاجة عدا مصاريف المدارس اللى تواضع و دفعها وبيعايرها و يعايرهم بيها و تذاكر لهم ليل و نهار كل المواد و بلغة اجنبية اصلا - لأن اللى تعليمها مش عاجبه دى حاصلة على الماجستير من كليه عملية و تعرف 3 لغات بإجادة تامة - وهو جرى وراها 5 سنين يطلبها وهى ترفض و بالعكس ترشح له عرايس تانية ولما تعاتبه وتقول له الاولاد محتاجين وجودك اكتر يعاقبها ويعاقبهم - ده مفترض انه اتجوز ليه اصلا ؟؟؟؟
ولما واحد يخطب واحدة اصغر منه بعشرين سنة ومن مستوى اجتماعى اقل و يعمل لها عمليات تجميل علشان شايف ان جسمها مش متناسق و يشترى لها الهدوم و يغير لها اسلوبها فى الملابس من قبل حتى الزواج الرسمى و يمنع اهلها يشتروا او يفرشوا اثاث بيت الزوجية يبقى متجوزها ليه برضه اذا كانت مش مقنعة له شكلا او مضمونا من اولها ؟؟؟؟
ولما واحد يجري ورا البنات و الستات على النت و يعمل علاقات و يرجع يقول اصل انا لو كنت اتجوزت اكبر شوية كانت اختياراتى اختلفت - انا متفهمة نقطة الاختيار فى السن الصغير و انها غالبا خطأ - انما هى كمان مالهاش ذنب انها تتخان بسبب غلطة مشتركة يبقى اتجوز ليه ؟؟؟؟
ولما الراجل أو اهله يقولوا على مراته "يحمدوا ربنا انهم لقوا حد يتجوزهم" طيب يعنى هى ماضربتكمش على ايديكم انكم تتقدموا لها و تخطبوها ده كان عرض وطلب و انتم الللى ابتديتم بالعرض وهى كانت بنت صغيرة و بنت ناس يعنى مش واقعة يبقى ايه لزمته الكلام اللى مالوش لازمة؟؟؟؟
ولما الراجل يكون بخيل لدرجة الموت وبيقفل دواليب المطبخ بالقفل ويوم مايجيب لها هدية بتكون باكو شيكولاته من ابو تلاتة جنيه يبقى ايه لزمته يكلف نفسه مصاريف فرح و شقة و شراء دواليب مطبخ اصلا مادام الموضوع مش مريحه ؟؟؟؟؟
ولما الاب ما يكلفش نفسه يقوم يشوف ابنه الوحيد بيعيط ليه وينادى الام من اخر البيت تيجى تشوف الولد ماله يبقى جاب ولد ليه ؟؟؟؟؟
ولما اصلا يكون الرجل مش مؤهل طبيا انه يتجوز بيتجوز بنات الناس و يبهدلهم ليه ؟؟؟؟
ولما يكون اساسا اساسا ملوش ميول طبيعية برضه بيبهدل بنات الناس معاه ليه ؟؟؟؟
ولما يكون السبعين فى المائة من الأزواج اصلا مش متناسقين مع بعض - زى لوريل و هاردى كده - برضه ياترى بيكونوا اتجوزوا ليه؟؟؟

لما واحد زى ايهاب صلاح يتجوز واحدة زى منى زوجته اللى قتلها بيكون ليه اتجوزها اصلا؟؟؟
ولما واحد زى زوج ايرينى صيدلانية اسكندرية اتجوز واحدة زى العصفورة وبعدين قتلها بالوحشية دى يبقى ليه برضه اتجوزها ؟؟؟؟


اذا عرفت الحل ...... جاوب