ـ "... إن فى الإنسان منطقة عجيبة سحيقة لا تصل إليها الفضيلة ولا الرذيلة ، ولا تشع فيها شمس العقل والإرادة ، ولا ينطق لسان المنطق ، ولا تطاع القوانين والأوضاع ، ولا تتداول فيها لغة أو تستخدم كلمة ... إنما هى مملكة نائية عن عالم الألفاظ والمعاني ... كل مافيها شفاف هفاف يأتي بالأعاجيب فى طرفة عين ... يكفي أن ترن فى أرجائها نبرة ، أو تبرق لمحة ، أو ينشر شذا عطر ، حتى يتصاعد من أعماقها فى لحظة من الإحساسات والصور والذكريات ، ما يهز كياننا ويفتح نفوسنا على أشياء لا قبل لنا بوصفها ، ولا بتجسيدها ، ولو لجأ إلى أدق العبارات و أبرع اللغات ... " ـ

توفيق الحكيم

Within man lies a deep wondrous spot, to which neither virtue nor vice can reach. Upon which the sun of reason and will never rises. In which the mouth of logic never speaks, the laws and rules are never obeyed, and not a language is used nor a word is ever spoken.
It is a distant Kingdom, beyond words and meanings. With everything is a sheer murmur offering wonders in a blink. From the depths of which, suffice a single tone or a flash of mind or a scent of a perfum, to allow rise of emotions, pictures and memories, a rising that will shake our being and open ourselves to things we can neither describe nor materialize even if we used the most refined of phrases or the most skillful of languages.

Tawfiq Al-Hakim.
(My humble transalation of the arabic text)

Sunday, December 05, 2010

فى بيتنا بلكونة

بس مش بتاعتنا ..بتاعة الجيران


بصراحة فى منطقتنا ماكانش فيه اى حاجة تدل على اى حاجة اسمها انتخابات
يمكن اكون لمحت يافطة او اتنين مش مميزين على بعد يعنى على اطراف الحى كده قرب المناطق الشعبية فى الحى - اصل احنا فى المنطقة الأرقى نسبيا منه
ما أعرفش مين المرشحين إلا من زميلى اللى ساكن فى نفس المنطقة بس أقرب للجزء الشعبى منى و اللى فسر لى حالة الهدوء الأنتخابي التام فى منطقتنا أننا أساسا مالناش قيمة لأى مرشح لأن منطقتنا أغلب عماراتها فاضية ! يعنى انا المقيمة من مليون و ميت الف سنة هنا ماليش قيمة
ولو ان بصراحة برضه ماتفرقش معايا مين مرشح ومين لأ . لأنها أصلا ماتفرقش معاهم .. أنا سلبية .. عارفة
انما اللى اصابنى من الانتخابات هو انى فى يوم فى الصالة لقيت بلكونة قدامى على طول ولو حد وقف فيها ان شاء الله هايتفضل معانا غداء و عشاء و إفطار
ليه بقى ؟ لأن منه لله بقى اللى كان السبب - اللى انا ماعرفوش بالضبط - سمح قبل الأنتخابات للمقاولين - اللى كانوا زى الفيران من فترة- يعلوا العمارات زى ماهم عاوزين و بالتالى العمارة اللى ترخيصها يخليها مستواها اقل من مستوى عمارتنا مع انه نفس عدد الادوار (انما الاسقف دلوقتى منخفضة اكثر من زمان) اصبحت بقدرة قادر ضعف عدد ادوار التصريح
شارعنا اللى طوله 100 متر لوحده فيه 3 عمارات بالشكل ده . الدور كان بينتهى فى يوم مش عارفة ازاى . و التشطيب بالكامل فى يوم كمان ودمتم
والفرجة الحقيقية كانت الادارة الهندسية فى الحى و هى عاملة هجوم تتارى كل يومين قال ايه زعلانين وواخدين على خاطرهم من المقاول انه بيبنى مخالف !!! بس الحق يقال المقاول كان دايما بياخد بخاطرهم ويبدى اسفه وندمه على خطأ غير مقصود

انا بكتب الكلام ده ليه بقى ... اصل بصراحة مش غاوية اعزم الجيران على الفطار و الغدا و العشا كل يوم وعلشان كده انا بأقول لأى حد عاوز يشترى شقة مايجيش منطقتنا أصل كل العمارات وحشة و الشقق كمان غالية قوى بتشطيب اى اى اىىىىىىى كلام

مش ليا حق بقي لما اقول عاوزة اروح اى حتة تانية ؟

2 comments:

Meshmesha said...

leki 7a2 walahi :) enti 3arfa en da sabab asasi enena sebna mant2tna ra3'm en baba we mama kano mortabeteen biha. men 10 senin keda kona men atwal el3emarat we kont men elbalkona ageeb a7'er 2ser elfayed. delwa2ti e7na men 2asar el3merat elli fi elmant2a. men sanaten lama kan 3andena monasba 3a2lia fi elsalon elbalkona elli 2osadna kano m3ana kalban wa kaleban :D:D:D
we lo 7ad 23ed fi elsalon yeb2a 3aref tafaseel 7yathom el3a2lia 3shan homa gahoryeen shoya.
we besaba keda ba2et balkonetna e7na ma2fola we goz2 kebeer men elsha2a etman3 3ano elshams we t2dari t2oli ET7'NANA :((((
yalla menhom lellah begad ma7'losh fiha 7aga 7elwa.

Mmm! said...

ايوووووووووووة
هى منهم لله دى .. ودى اقل حاجة تتقال كمان

:)