ـ "... إن فى الإنسان منطقة عجيبة سحيقة لا تصل إليها الفضيلة ولا الرذيلة ، ولا تشع فيها شمس العقل والإرادة ، ولا ينطق لسان المنطق ، ولا تطاع القوانين والأوضاع ، ولا تتداول فيها لغة أو تستخدم كلمة ... إنما هى مملكة نائية عن عالم الألفاظ والمعاني ... كل مافيها شفاف هفاف يأتي بالأعاجيب فى طرفة عين ... يكفي أن ترن فى أرجائها نبرة ، أو تبرق لمحة ، أو ينشر شذا عطر ، حتى يتصاعد من أعماقها فى لحظة من الإحساسات والصور والذكريات ، ما يهز كياننا ويفتح نفوسنا على أشياء لا قبل لنا بوصفها ، ولا بتجسيدها ، ولو لجأ إلى أدق العبارات و أبرع اللغات ... " ـ

توفيق الحكيم

Within man lies a deep wondrous spot, to which neither virtue nor vice can reach. Upon which the sun of reason and will never rises. In which the mouth of logic never speaks, the laws and rules are never obeyed, and not a language is used nor a word is ever spoken.
It is a distant Kingdom, beyond words and meanings. With everything is a sheer murmur offering wonders in a blink. From the depths of which, suffice a single tone or a flash of mind or a scent of a perfum, to allow rise of emotions, pictures and memories, a rising that will shake our being and open ourselves to things we can neither describe nor materialize even if we used the most refined of phrases or the most skillful of languages.

Tawfiq Al-Hakim.
(My humble transalation of the arabic text)

Sunday, December 05, 2010

خيبة أمل راكبة ....... قرش

أول أمبارح - تعرض 4 سياح لبتر اجزاء من أطرافهم اثناء سباحتهم فى شرم الشيخ بواسطة قرش متوحش

إمبارح - خبر صغير من وزارة البيئة ان مركب ألقت خراف نافقة فى البحر الأحمر هي السبب و جثث الخراف هى اللى جذبت القروش المتوحشة للشواطئ

إمبارح برضه - إلقاء القبض "والله موقع أخبارى كان كاتبها كده" على القرش المتهم وفى الواقع هما قرشين قرايب وتمت مضاهاة بصمات الفكين وإصابات الضحايا و ثبت بما لا يدع مجال للشك انهما الفاعلين و بناء عليه صدر قرار بتحنيطهما عقابا لهما وجعلهما عبرة لمن يعتبر

النهاردة - القرش الخفي ... قريبهم التالت ...قتل سائحة ألمانية
و الشواطئ كلها اتقفلت

معرفش بس افتكرت المرحوم الدكتور حامد جوهر .. اللى مافلحناش إلا فى التريقة على طريقة كلامه ( على كبر سنه) و نسينا اهميته واللى كان بيمثله كعالم كبير الله يرحمه

ياللا من ضمن ...

2 comments:

المملكة البيضاء لأمة اقرأ said...

حتى القروش جاعت أمال الشعب يقول إيه

Mmm! said...

مش بالضبط
المشكلة فى العشوائية فى التصرفات و التصريحات و الأفعال - النهاردة مسئول بيغوص فى مياه البحر الأحمر علشان يؤكد أنه آمن !!!! -
من الاخر تهريج - علمى سياحى - يضاف لتهريجات من انواع مختلفة

لو كنا احترمنا نفسنا و حافظنا على كوادر علوم البحار اللى عندنا و نتائج البعثات اللى طلعناها قبل الثورة على السفينة مباحث ماكانش ده وضعنا النهاردة نستلف 4 علماء من امريكا يشوفولنا موضوع القرش ده ايه

لو كنا استثمرنا كوادر علوم البحار فى مصر ماكانش البحر فى المندرة أكل الشارع بعد توسعته بسنتين ثلاتة

ماكانش النحر اكل فى شواطئ القرى السياحية لما يعملولهم لسان ولا مارينا لأنهم غيروا اتجاهات التيارات المائية

ماكانش الصرف قتل الميناء الشرقى فى اسكندرية

وغيره و غيره
اعترف ان اخر حد سمعت انه استثمر معلومات علم بحرية كان الفريق الجمسى الله يرحمه فى تخطيطه و اختياره لميعاد الحرب فى 73 ... غير كده ....ولا خلينى ساكتة

شرفتنى بالمرور و التعليق