Dark corner !!

What is it that throws one into a dark corner in his own mind, unable to see anything, only sensing the strange presence of the coldest vagueness that he could ever face!?

رجال صدقوا ما عاهدوا الله عليه

بعد 36 سنة من 6 أكتوبر 1973


المشير محمد عبد الغنى الجمسي
رئيس هيئة عمليات القوات المسلحة أثناء الحرب ثم رئيس الأركان
صنف ضمن أبرع 50 قائدا عسكريا في التاريخ

المشير أحمد إسماعيل علي
وزير الحربية القائد العام للقوات المسلحة

محمد أنور السادات
القائد الأعلى للقوات المسلحة المصرية
رئيس جمهورية مصر

و غيرهم آلاف ضحوا أو كان عندهم إستعداد يضحوا بحياتهم علشان بلدهم يستعيد كرامته و أرضه اللى إتخطفوا منه فى لحظة غدر ماكانش مستعد لها قبلها بـستة سنوات . آلاف محدش فيهم فكر لحظة فى كلمة مسيحى و مسلم و نوبي و بدوي اللى ماشيين اليوميين دول ...

عبد الغنى الجمسى هو بطلى المفضل فى الحرب دي لأنه ببساطة هو واضع الخطة و واضعها بذكاء و حساب تقريبا لكل حاجة ببساطة زى التعبير الغربي ما بيقول كان "مذاكر كويس وعامل الواجب". نموذج لما بيتكرر فى المصري بيعمل أشياء مبهرة

أحمد إسماعيل على بحبه لأن فيه طيبة بتشع مع أن العسكرى المخضرم اللى زيه عادة بيعكس صرامة ملامح . سبب ساذج ، لكن السبب الأكثر سذاجة أنى سعدت أنه حقق بيده نصر رد كرامته هو شخصيا لأنه إتحاسب على هزيمة ماكانش له يد فيها . هو نموذج للحال لما يوضع الرجل المناسب فى المكان المناسب بدون تفضيل أهل الثقة على أهل الخبرة

محمد أنور السادات .... مهما إختلف الناس عليه بيرجعوا و يعترفوا بالحق ... رد لمصر كرامتها و دفع حياته ثمن ده
بطلى المفضل فى القرن العشرين .... و الواحد وعشرين


من اللى كان عندهم استعداد يضحوا بحياتهم طيار سجلت الدعاية الإسرائيلية اللى عمله (بتصرف بسيط طبعا أن الطيار الإسرائيلى كسب القتال فى المعركة دى و الطيار المصري مات !!!)من خلال برنامج تسجيلي عن المعارك الحربية بين الطائرات خلال الحرب . الطيار الإسرائيلى بيسمى الطيار المصرى "" الطيار المصري المجنون " لأنه شاف واحد مستعد يضحى بحياته بدون سبب واضح ( له طبعا ) . اللى واضح لى من الكليب الصغير ده ان الطيار المصري كان مستعد يضحى بحياته فى سبيل أن طيارته مايحصلش لها حاجة ده على أقل تقدير لو ماقدرش يقلب الوضع و يبقى هو اللى بيطارد الطيار الإسرائيلى . الفيديو المسجل للطياريين الإسرائيليين موجود على يوتيوب

History Channel - Dogfights - Desert Aces

و من حسن حظى أنى لقيت نسخة تانية منه فيها وصلة لموقع عربي بيسجل للحرب دى بوقائعها من وجهة النظر المصرية

المعركة الجوية بالرواية المصرية - لواء طيار كمال أحمد المنصوري


و أنا طفلة فى بداية المراهقة قرأت عدة كتب عن حرب أكتوبر مكتوبة بعد الحرب مباشرة اللى فاكراه كتاب لموسى صبرى "يوميات حرب أكتوبر" وكتاب اسمه حرب أكتوبر من غرفة العمليات و أعتقد كتاب ثالث اسمه الحرب الرابعة على الجبهة المصرية . الكتب دي بدون مبالغة شكلت و جدانى و أثرت في جدا و حزنى أن كتب زي دى مش متوافرة إطلاقا للأجيال الجديدة . مايعرفوش عن حرب أكتوبر إلا أنها كانت يوم ستة و غالبا بيتلخبطوا فى السنة . ما سمعوش عن الجمسى ولا أحمد أسماعيل و لا إبراهيم الرفاعى ولا عبد العاطى . الساحة متروكة لنماذج قدوة من نوع تامر و هشام . إحنا بنحطم مستقبلنا بإيدينا .
و بالمناسبة كل ماشوف فيلم حربى أمريكى بأتحسر على حالنا


الله يرحم كل شهداء الحرب دى وعميق شكرى و تقديري لكل اللي شارك فيها سواء لازال حى أو توفاه الله لأنه فعلا أعاد لمصر و العرب كرامتهم اللى كانت مفقودة

للأجيال الجديدة .. ده فعلا الموقف فى الشارع الاوروبي وقتها زى ما رواه لى شاهد عيان كان فى أوروبا قبل و بعد الحرب : المصري و العربى محتقر فى أوروبا و أمريكا و العالم كله لأنه ببساطة امامهم كان ضعيف ماحاربش ولا دافع عن أرضه . بعد حرب أكتوبر بست ساعات ..المصرى خاصة و العربى عامة محترم و أسهمه فى السماء و يعامل مثل الملوك ... و الفضل للناس دى

آه يا قلبي

مبدئيا حاجات كتير بتضايقنى فى الشارع السكندرى . ومع أنه نسبيا من أرقى الشوارع المصرية إنما الغوغائية وصلت له طبعا و السير أو القيادة فيه مغامرة و أنت و حظك. لكنى فى الأغلب الأعم بأتجاهل اللى مش عاجبنى كانى ما شفتوش و بأحاول أتمالك أعصابى و أتفادى الحوادث و المشاكل .
إنما الشئ اللى على قد ما بيسعدنى على قد ما بيوجع قلبى هو العمارة السكندرية القديمة . أنا مش خبيرة معمارية ولا حتى معمارية ولا حاجة خالص لكن فى إعتقادى الخاص أن فى اسكندرية منطقة وسط البلد و المناطق المحيطة عبارة عن كنز معمارى لكن للأسف كنز منهوب ومحاصر بكميات لا حصر لها من الأهمال و العشوائية و التلوث الجمالى .
من حسن (و سوء بس دى حكاية تانية ) حظى انى نشأت فى وسط مقدر للجمال و الأناقة بمفهومها العام ومركزه كان الحى اللاتينى فى اسكندرية يعنى تعاملت مع العمارات اللى كان ولازال موجود زيها فى باريس و فيينا و نيويورك ويمكن بناها نفس الأشخاص. حبيتها و سمعت حكايات عنها و عن اللى بنوها أو عاشوا فيها على مدى عقود . تأملت تفاصيلها و تصميماتها بجمالها و دقتها وذكائها و عمليتها و صمودها سنيييين فى وجه الزمن و جو اسكندرية اللى بحرها بياكل فيه الصخر . وللأسف ... قارنتها بالعمارات الجديدة و شكلها وتصميماتها و حالتها اللى بتوصل لها بعد بالكتير 3 سنين من بنائها. ياناس دى حتى المدافن اللى موجودة مابين الشاطيى و محطة الرمل جميلة وفيها فن و ذوق ...ترد الروح لو ينفع
كلما أمر قدام عمارة قديمة قلبى بيوجعنى . مش مجازا . بأحس أن يد بتعصر قلبي !! بأحس بالحزن على جمال مهمل و عليه التراب طبقات ( ده لو جمال محظوظ كل مشكلته شوية تراب بس ) بأحس بالحزن من حالة الزخارف المنهارة من بلكونة أو مدخل . بأحس بالحزن من زخارف وتيجان اعمدة مدهونة "بوية ملونة " علشان تتماشى مع ديكور المحل اللى تحتها . بأحس بالحزن من بلكونة مدهونة أخضر و اللى جنبها أصفر و اللى فوقها سيراميك وردى -من باب النظافة-. بأحس بالحزن من كتابة مالهاش لازمة من أحمد و لا ميدو على مدخل عمارة أو بلكونة بيتهم .أو ملصق مالوش لازمة عن أى حاجة مالهاش لازمة برضه على عمود من الأعمدة.
بيصعب على حال العمارات و اللى بنوها و بأحمد ربنا أنهم ماتوا قبل ما يشوفوا الحال اللى وصلت له العمارات . وبيصعب على قوى بقى اللى سابوا مصر و الصور الجميلة للعمارات دى فى خيالهم و بقول يارب ما يرجعوا علشان هايتصدموا صدمة العمر .
وبيوجعنى قلبى جدا لما اشوف تصرف الأوروبيين بالذات مع عمارات من نفس الطرز و العمر موجودة عندهم في بلادهم .
النهاردة مريت قدام عمارات شارع فؤاد .. اللى احنا الاسكندارانية لسه بنسميه شارع فؤاد مش طريق الحرية . ووجعنى قلبى من جمال و حال العمارات دى ودايما دايما بأفتكر البيت اللى بيقول هذه آثارنا تدل علينا *** فانظروا بعدنا إلى الآثار ... و تحسروا

http://www.aaha.ch/photos/fouad.htm

اعنقد ان جزء من مشكلتنا الكلمة اللى بتقول ... ميصعبش عليك غالى

True

All's well that ends well

... فتضحك الأقدار

ميل مش متوقع وصلنى من فترة بسيطة
استغربته لكن جربت اللى فيه والنتيجة

عكس اللى أنا بأتمناه "أحيانا" تماما


كوميديا لخصها البيت ده

تقضون والفلك المقدر ضاحك وتقدرون فتضحك الأقدار

Liar, liar

Some lie about who they love
Some lie about the truth
Some lie to save their lives
Some lie about their youth

Some lie about age and beauty
The conquest of sex
Most lie about the night before
A woman lies for a party dress

I've lied for a stolen moment
I've lied for one more clue
I've lied about most everything
But I never lied to you

And we lie, lie, lie on a streetcar named desire
Oh we lie, lie, lie for that sweet bird of youth
I could be great like Tennessee Williams
If I could only hear something that sounds like the truth

Some lie in the face of death
Some lie about their fame
Some kneel and lie to God
Some lie about their name

Some lie in words and speeches
With every living breath
The young lie with their guitars
The old lie for a little respect

I've lied to lie with danger
I've lied for a drug or two
I've lied about most everything
But I never lied to you

I've lied for a stolen moment
I've lied for one more clue
I've lied about most everything
But I never lied to you.

Lies, Elton John

21 رمضان

يمكن بصورة أو بأخرى رمضان بقى مرتبط عندى ببعض الذكريات اللى مرت فى حياتى. رمضان قبل الفائت كان أسوأ و أحسن رمضان مر علي فى حياتى . ما أعرفش ده طبيعى ولا لأ أن احسن حاجة فى حياة الأنسان تبقى مرتبطة بأسوأ حاجة لكن يمكن ده اللى مكتوب على
...
يمكن سبب كتابتى النهاردة أن بقالى كام يوم بأفتكر حالى رمضان قبل اللى فات ويمكن أكون مفتقداه
..
اللي خطر على بالى دلوقتى : البنى آدم مايملاش عينه غير التراب

Tara's theme

My boy, Claude François

http://www.youtube.com/watch?v=1MCzhB7pDWw

...... and again

Crazy, Patsy Cline

The day that never comes, Metallica

و المثل بيقول

تبات نار ... تصبح رماد

Still loving you, Scorpions

رد على تعليق...

الكلام المكتوب فى هذه التدوينة كان مفترض يبقى رد بسيط على تعليق فى تدوينة سابقة لى . لكنى رأيت وضعه كتدوينة منفصلة لطوله

..

..

ثالثا : وجهة نظرى ببساطة ان اللى حضرتك بتقول عنه ألف طريقة و طريقة لمعرفة العدو و بتشاور على لينك لجرائم إسرائيل مش هو - من وجهة نظرى- الطريقة الصحيحة لمعرفتهم

تخيل لو الأطباء فى اطار محاربتهم لمرض مميت زى الإيدز كل اللى عملوه انهم صرخوا أنه مرض خطير ومميت وعرضوا صور مرضى ماتت أو فى المراحل النهائية من حياتها لكن محدش فيهم لاحظ ولا درس و لا نبه لطريقة إختراق المرض ده للجسم البشرى . تفتكر ده كان يقلل الخسائر ؟؟؟

وجهة نظرى ان الصور و الحكايات اللى اسمها جرائم إسرائيل فى غزة أو قانا أو صبرا وشاتيلا أو دير ياسين حتى دى قمة جبل الثلج مش أكتر . لازم الناس تنتبه أكتر للضرب تحت الحزام . للفوضى اللى بتتخلق حوالينا علشان نتوه فيها و فى الزحمة ببساطة "نتاخد غدر " .
للترتيبات اللى بتمتد لسنين مش يوم وليلة

لازم الناس تقرأ الفكر الإسرائيلى و أنهم شعب الله المختار و أن باقى العالم و خصوصا العرب دول كائنات من الدرجة العاشرة خسارة فيهم بلاد زى الهلال الخصيب و وادى النيل . أن أرض المعاد من النيل للفرات و إذا ماكنتش عارف تزيح 80 مليون من حوالين النيل يبقى خلى حد تانى يزيحهم أو هم يزيحوا نفسهم بنفسهم !! شخصيا ما أعتقدش الي بيحصل فى أفريقيا الشرقية من أول الصومال لحد تشاد دى صدف أبدا . خلينى أكون مصرية مغرورة و أكون مع الرأى أنها مقدمات لشئ خطر ليه علاقة بأمن مصر الإستراتيجى و المائى مع بعض . دور شوية عن علاقات شركات إسرائيلية بسدود على النيل فى دول أفريقيا !!

السودان واللى حادث فيها مش بعيد والفرقة اللى حصلت بين شمال و جنوب و الحرب و دارفور . الحجة أن دول مسلمين و دول مسيحيين و مرة تانية أن دول أصول عرب و دول أصول أفريقية .... فى بلد منقسم على نفسه..غير السيطرة على البترول اللى ظهر مؤخرا فى السودان ، ممكن السيطرة على النيل . و زيادة الخير خيرين زى ما بنقول ! مع ان كان متعارف ان الشعب السودانى من أطيب الشعوب و أهدأهم كمان

سيناريو السودان بيتنقل لمصر للأسف و إبتديت مؤخرا أقرأ اللى بيقول أن مصر العرب محتلينها من 1400 سنة !! ده غير أننا بقدرة قادر بقينا أقليات متصارعة مع بعضها - دى الصورة اللى بتتوصل عن طريق و سائل الإعلام مش الحقيقة - . بدو سيناء المهمشين و النوبيين المهجرين من أيام السد العالى و الأقباط و الشيعة المضطهدين. و أنا طبعا ها أتحسب من العنصر القاهر الظالم اللى هو مسلم سنى عايشة فى المدينة مش من أصول نوبية و لا فرعونية - معرفش دى أتأكد منها إزاى بصراحة - بس أنا أكيد ها أتصنف كده
.من كام يوم برلمانية نمساوية على ما أتذكر طالبت بتدويل مناقشة إضطهاد الأقباط فى مصر !!!! الخبر ده كان منشور فى مواقع مصرية على فكرة . ده بيفكرنى بالمثل اللى بيقول الدوى على الودان أمر من السحر . مقولة جوبلز أن الكذبة لما تستمر مدة طويلة و تبقى متقنة بتصبح هى الحقيقة !!! هو ده اللى بيحصل وقليلين اللى بيتكلموا أو بيكتبوا و هم مدركين إبعاد وتداعيات اللى بيقولوه

بمناسبة جوبلز و الكذب و الدعاية قارن بين إستثمار اليهود لفكرة المحرقة أيام النازى - سواء أتفقنا أو لا على حقيقتها ومداها - و بين
فشلنا كعرب فى الترويج لأى فكرة حتي لو كانت فكرة إننا شعب زى كل الشعوب فيه الغوغائى و المتحضر .. المتعلم و الجاهل المتشدد و المعتدل ... اللى بيحترم المرأة و اللى بيقهرها . دور على الصورة المعروضة للمرأة اليهودية واللى بالتبعية لها علاقة بإسرائيل و بين
الصورة المعروضة للمرأة العربية !! أنا بأتكلم عن العقل الجمعى العالمى . طبعا مش هاتكلم عن الصورة المتبادرة للذهن عن الرجل العربي !!!! أظن انت عارف
إسرائيل متحكمة و من زمااااان فى وسائل إعلامية مهمة ومن أهمها غير نشرات الأخبار هي هوليود . يعنى الشخص اللى مالوش فى وجع الدماغ فى نشرات الأخبار ولا الكتب و التحليلات اللى مدسوس فيها سم فى عسل نغير أفكاره بفيلم ولا فيلمين ولا مسلسل و لا حتى
كرتون . جرب مرة تقارن بين صورة اليهودى فى أفلام بتقدم رواية أوليفر تويست على مدى سنوات القرن العشرين و أنت تفهم قصدى

هما بيرتبوا خططهم على مدى سنين و عقود و احنا نطلع نفرقع بمب يومين و انتهى . إفتكر وراجع إن وعد بلفور إتقدم 1917 لكن الدولة
أقيمت 1948 .. ثلاثين سنة تم فيهم التمهيد للدولة ... إنشاء الجامعة العبرية بالقدس ...إنشاء الوكالة اليهودية ... هجرة اليهود من دول
الشتات لفلسطين ...شراء الأراضى فى فلسطين أو... تكوين العصابات اليهودية و حرب العصابات اللى إدت لقرارات التقسيم و هلم جرا

قبل وعد بلفور و من أواخر القرن الـ 19 هرتزل و الحركة الصهيونية بدأت تخطط لإقامة وطن قومى لليهود . بنتكلم عن أكتر من 50 سنة ترتيب . و ترتيب تاني أدى ان الفاتيكان أصدر سنة 1963 وثيقة رسمية بتبرئة اليهود من دم المسيح عليه السلام . من جريمة إرتكبوها قبلها بـ 19 قرن . علشان يقدروا هم يحاكموا الناس على أحداث حدثت من سنوات ... عارف إيخمان !! سمعت عن هيس ؟! أو سمعت عن الدكتور النازى اللى توفى فى القاهرة من سنوات و أثيرت قضيته من حوالى ستة أشهر

من فترة قصيرة جدا يمكن أسبوع ولا أسبوعين قرأت- مش فاكرة فين - عرض لكتاب منشور فى أمريكا عن ذكريات فتاة صغيرة و طفولتها فى مصر . مش فاكرة اسم الكتاب و لا السيدة اللى كاتباه لكن اللى انا فاكراه كويس أنها سيدة يهودية مصرية الأصل "أجبرت" هى و أبوها و أمها على ترك مصر فى ستينيات القرن العشرين بعد "تأميم " ممتلكات أبوها اللى بعد ما كان رجل أعمال له أمواله اللى بتمكنه من حياة رغدة فى القاهرة أصبح بعد ما إختار الهجرة لأمريكا - بدلا من إسرائيل - بائع فى محل أقمشة !!! الكتاب ده واخد

Best Seller

على ما أتذكر فى نيويورك بوست أو جريدة محترمة فى أمريكا - نيويوركية على ما اتذكر. تفتكر ده صدفة مع الأصوات اللى كل فترة بتطالب بتعويض اليهود المصريين عن ممتلكاتهم اللى أممت فى الخمسينيات و الستينيات !! و التقدير مليارات ... مليارات !! بلد أساسا مديونة و إقتصادها ضعيف ( اللي هي مصر ) ممكن تبقى مطالبة - وبطرق قانونية متحضرة تماما مافيهاش قطرة دم واحدة - تدفعهم لناس تفرقوا فى العالم من 50 سنة !! ومنهم اللى راح فين ؟... إسرائيل . تفتكر مش دى تبقى ضربة قاضية

أنا اتكلمت كتير جدا لكن الحقيقة أنى شايفة ان الإعتراض على الترجمة مش هو الحل الصحيح.الحل هو اننا نقرأ أفكارهم و نعرف أساليبهم و حتى لو خفنا ان الترجمة تكون لبعض الكتب تروج للتطبيع فا أعتقد أنه برضه هاتكون فيه ترجمة لكتب توضح الصورة الحقيقية ساعتها هانقدر نعرف عدونا و أساليبه و نتصدى له و لو بقلبنا و المارينز ...... زى ما قلت عليهم ها ينكشفوا . إنما تقول إنك خايف إن أفكارهم و إدعاءاتهم تدخل عقول "شبابنا " فا مش ده الحل الصحيح . دول شباب مش أطفال و ماينفعش و لا يصح تحجر عليهم و الشاب ده هو اللى بعد كام سنة شئنا أم أبينا هايبقى مسئول عن بلد بحالها . إفتكر إن المسئول عن أكبر دولة فى العالم هو رجل ترك مرحلة الشباب من سنوات قليلة جدا . إفتكر إن اللى كتب له الخطاب اللى أبهر العالم العربي من شهرين تقريبا هو شاب عنده 31 سنة حسبما قرأت . الحجر الثقافى ده بقى موضة قديمة جدا . دى وجهة نظرى و الله أعلم

.

.

.

ملاحظة على الهامش : ـ

بس إنت زعلان ليه ... هو فيه حد بيقرأ ميكى حتى النهاردة ... مفيش حد بيقرأ كتب .. فيه ناس متعرفش حتى مين توفيق الحكيم والله تفتكر دول هايفكروا يشتروا كتاب لـ أبا إيبان مثلا.

3 سنين

خلال الأسبوع ده تكون مرت 3 سنين على البلوج ده

يمكن ده أول كشف حساب من سنتين تقريبا
ببساطة ... 3 سنين فيهم الحلاوة و المرارة و المزيج منهم ...غيرونى كتير وعلمونى كتير

البلوج بدأ بإسمى و أصبح له إسم مختلف .. بدأ بروح ما و إنتهى بروح مختلفة .. بدأ بشكل و ألوان ما و إنتهى بالشكل الحالى

قفلته بعد تفكير لكنى أعدته لأنه كان أقوى و أجبرنى على العودة

يوليو ... بقي شهر الذكريات الحلوة المرة ...... ومع الوقت بننسى المرارة

قـــرار

صديقتى أخذت قرارها
مش القرار اللى أنا شخصيا رغبت فيه لكنه القرار المنطقى
نفس قراري لو فى نفس موقفها
منطقى ليه !! بدون منطق .. منطقى لأنه متماشى مع قواعد المجتمع
مع قيم تربينا عليها
مع إنها أحيانا بتكون مش منطقية
صحيح أو مش صحيح ده مؤشر نسبى
بالنسبة لعرف و قناعات مجتمعية متوارثة قرارها صحيح
بالنسبة لحريتها وراحتها الشخصية و عدم أذي أى من الأطراف المعنية قرارها خاطئ
...
المحصلة النهائية : حاليا هى فى حالة .. هدوء ما قبل العاصفة
أو سكون ما بعد الصدمة
متصورة أن العاصفة مرت و الهدوء هو التالى
لكن ... بعض القرارات بتأخذ منا أجزاء و ترميها فى مكان بعيد
للأبد
ونفضل طول عمرنا ندور عليها
ويمكن نندم على قرار أخذناه ....فأخذنا
...
...
...
أتمنى ظنى يخيب
أرجو
لكنى عارفة
...
...
أنا أشفق عليها مما ينتظر

العــقــــــلاء

صحفيين - مش ناس عادية - بتكيل *شتاااائم* للمنتخب و اللاعبين بسبب خسارتهم من أمريكا
أبو تريكة هايعتزل و حسن شحاتة هايستقيل لو مفيش إعتذار
جمال مبارك بيستقبل المنتخب العائد بنفسه
طاعون من ليبيا و أنفلونزا خنازير من العالم و أنفلونزا طيور صناعة محلية و حمى قلاعية مش فاكرة منين
ليبيا بتدفع المصريين بالذات رسوم على الدخول و الإقامة و الخروج !!! الفردوس المفقود
القائد المظفر معمر القذافى بيعمل زيارة رسمية *تااااريخية* لإيطاليا وهو معلق برواز فيه صورة عمر المختار على بدلته العسكرية
إمتحانات ثانوية عامة فيها طلبة بتصرخ أن الأسئلة ماجاش زيها قبل كده السنوات اللى فاتت و بالتالى الأمتحان صعببببببببببببببب !!! كأن الأسئلة المفروض تتكرر كل سنة كما هى فى أمتحان المفروض يفرق الطالب المتوسط عن الفائق عن الضعيف أو المستهتر
لجنة أمتحان ثانوية عامة مديرتها تجبر طالبتين أنهم يقطعوا أمتحان رياضيات فى منتصفه و يروحوا لجنة تانية فى مدرسة تانية علشان يكملوه !!!!! مفيش تفسير فى الخبر لقرار زى ده
شاب عمره 18 سنة - قانونا طفل وهايتعامل معاملة أطفال إن شاء الله !!!- يغتصب أخته عمرها 8 سنوات و بعدين يقتلها بالسم و أب يرمى زوجته و بنته من البلكونة علشان طلبوا هدوم جديدة يحضروا بيها فرح
لحوم مخلوطة بلحم الخنزير فى دمياط و قنبلة محلية الصنع قالوا إنها راديو طفل ربطه بعمود نور فى إسكندرية و جسم معدني غريب على كورنيش أسوان
النبوى إسماعيل توفى غير مأسوف عليه من كثيرين و المهندس شريف قتل عيلته و مات طبيعى بعد الحكم عليه بالإعدام ، الناس إلى حد ما تعاطفت معاه مع إدانتهم له و معاون المباحث إنضرب رصاص غدر و مات فى أسوان
كل متهم فى قضية مشهورة يطلع ويقول البوليس أجبرنى حتى المدرس اللى أخل بشرف مهنته و صور بنات عاوزة الحرق فى أوضاع مخلة بعد ما إعترف رجع و قال ماقلتش !!! و محاميه بيحاول يفهمنا إنها قضية مدبرة ضده . بناء على إنه حاجة مهمة مثلا و بيشوهوا صورته قدام الرأى العام ؟؟
البنات دول بالمناسبة عمرهم 16 - 18 سنة وواحدة كان بيعاشرها معاشرة الأزواج فى شقته ومنهم اللى لابسين حاجات على رؤوسهم بس واضح إنهم مش فاهمين لابسينها ليه
خناقات كل يومين بين معجبى و معجبات من يقال عنه "مطرب الجيل" تامر بيه حسنى و الفنان اللى بيقولوا عليه هضبة - وقعها سيئ على الكلمة دى - اللى هو عمرو باشا دياب كأن كل مشاكلنا إتحلت و فاضل دى بس مين فيهم الفنان أكثر
زيجات عرفي بين مخرجين و فتيات موديل و فتنانين و ناس عادية كمان و فضائح فى الأعراض من كل نوع و فى كل حتة مجلات و جرائد و مواقع .
مظاهرات و إعتصامات من الحوامدية - أمام مجلس المدينة - لشركة المياه فى الأقصر لشركة الكتان فى طنطا !!! و هلم جرا
والدتى طلعت السنين الللى فاتت دى كلها من فئة مضطهدة اللى هى المرأة و كمان بتشتغل مع وصديقة لــ أقليات مضطهدة اللى هي المسيحيين و النوبيين . و محدش قال لى ولا قال لها طول المدة دى !!! شوف إزاي
شوية أغبياء منقادين بغباء لناس لها أغراض تزود اللى بيقولوا عليها فتنة طائفية عاوزين يغيروا إسم قرية بقالها مليون سنة إسمها ثابت . ومع الحساسيات الموجودة الموضوع بيكبر بدون داعى.
مدير الثقافة الجماهيرية هايمنع طباعة أى كتاب ممكن يزعل المصريين المسيحيين حتى لو كتاب عبارة عن حقائق تاريخية عن المعلم يعقوب و دوره أثناء الحملة الفرنسية . كأنه مكتوب إدانة أو إهانة للمصريين المسيحيين . ماهو كان فيه مليون عميل للفرنسيس من المحسوبين مسلمين . حد إعترض !! و مليون مثقف معارضين لترجمة كتب من تأليف كتاب إسرائيليين علشان قال ده تطبيع!!!!! طيب هانعرف عدونا إزاىىىىىىىى ..............ثم إن محدش بيقرأ فى بلدنا أساسا غير حظك اليوم بالكتير وغالبا مش ها لو فهموا المكتوب . إحنا التعليم فى بلدنا بقى سماعى يا عالم ( البوست الجاي غالبا ) ـ
ناس قالت لأوباما بنحبك زى مايكون نجم روك و ناس قالت ده بوش بس بوجه مبتسم وكاريزما . كأنه مفروض إن رئيس أمريكا تكون أهدافه الإستراتيجية لمصلحة العالم العربي !!!!!
أخر حاجة : سمية الخشاب صرحت إنها أنتجت أغانيها بنفسها لأنها مش عاوزة تقدم تنازلات تجارية .... على أساس إنها هاتغنى نهج البردة مثلا

لكل دول أهدى درة من درر إسماعيل ياسين ...........العقلااااااااااء

شكل الأصوات

نبرة صوت أو نغمة آلة موسيقية بتتجسم فى لحظة و تقول أنها سبب أن فلان بيحب الأغنية دى أو بيفضلها على الأقل. أو حتى يمكن هى اللى بتخلى الملحن مميز بموسيقاه

مجرد ملاحظة أو فكرة من أفكارى اللى بتطلع فى دماغى فجأة أنى أكتبها !! حاجة مقدرش أوصفها بوضوح لسببين أولا لأنى مش دارسة موسيقى . ثانيا مش دارسة علم نفس لأن أكيد فيه إرتباط من نوع ما ...... آه و ثالثا... قصور ما عندى شخصيا فى التعبير

الأغنية اللى اخترتها المرة دى لأول مرة أسمعها بتركيز من أسبوعين تقريبا -مع أنى عارفة الكلام من فترة طويلة- و ألاحظ أنها بتحمل نفس الصفات اللى ممكن تخليها بالنسبة لى على الأقل بتدل على نفس الشخص. أنا مش بأتكلم على ألحان متشابهة أو كلام متشابه المعنى ،أنا بأتكلم على حاجة بسيطة بساطة طريقة أداء أو نبرة صوت فى لحظة فى الأغنية أو صوت آلة موسيقية محددة فى لحظة . كلهم بيكون لهم نفس الشكل عندى مهما اختلف موضوع الأغنية أو لحنها أو نوعها الموسيقى أو المؤدى و كلهم بيعطوا نفس الإنطباع عن نفس الشخص اللى بيفضل الأغنية
الأغنية دى بغض النظر عن موضوعها اللى بالصدفة حزين ، جسمت لى ألم ورغبة فى الخلاص منه

ياترى أغاني أنا المفضلة شكلها إيه !؟

Always somewhere, Scorpions

Carlito's way,1993

One phrase by Carlito gave me the chokes, some memories persist even if we don't realize it!!

Carlito : Somebody's pullin' me close to the ground. I can sense, but I can't see. I ain't panicked, I been here before. Same as when I got popped on 104th Street. Don't take me to no hospital, please. Fuckin' emergency rooms don't save nobody. Sons of bitches always pop you at midnight when all they got is a Chinese intern with a dull spoon.

Carlito : No favour. I owe you. Favour gonna kill you faster than a bullet.

Carlito : This guy, this counsellor in Lewisburg, Mr. Seawald, once said to me: 'Charlie, you run out of steam. You can't sprint all the way. You gotta stop sometime. You can't buck it forever. It catches up to you. It gets you. You don't get reformed, you just run out of wind !

Carlito : Dave is my friend, Gail. I owe him. That's who I am, That's what I am, right or wrong. I can't change that!

Gail : Everything you learned in the neighbourhood, every instinct you've got won't do anything but get you killed!

Carlito : You ain't a lawyer no more, Dave. You're a gangster now. You're on the other side. Whole new ball game. You can't learn about it at school, and you can't have a late start.

Gail : Yeah, I had a dream, Charlie, but now I'm awake. And I hate my dream.

Carlito : The dream don't come no closer by itself. We gotta run after it now.

Carlito : When you can't see the angles no more, you're in trouble, baby. You're in trouble.

Carlito : Dumb move, man. Dumb move. But it's like them old reflexes comin' back.

Carlito : He's got a bright future..... if he can live past next week.

Saso: What has happened to you? What are you acting like this for? It doesn't make sense that you should hate this guy. Because this guy is you, twenty years ago.

Carlito : Never give up your friends, Dave, no matter what.

Carlito : You just pray to see a face that hasn't changed... one that looks at you exactly as it did before.

Carlito : Sorry, boys, all the stitches in the world can't sew me together again... Lay down. Lay down. Gonna stretch me out in Fernandez Funeral Home on 109th street... Always knew I'd make a stop there, but a lot later than a whole gang of people thought. Last of the Mo-Rican's. Well, maybe not the last. Gail's gonna be a good mom. New, improved Carlito Brigante. Hope she uses the money to get out. No room in this city for big hearts like hers... Sorry, baby, I tried the best I could. Honest. Can't come with me on this trip, though... Gettin? the shakes now. Last call for drinks. Bar's closin? down. Sun's out. Where we goin? for breakfast? Don't wanna go far... Rough night. Tired, baby... Tired...

La tendresse, Daniel Guichard

إعــاقــة

ما الذى أخافنى ما الذى أفزعنى؟ كيف تصورت فى ذلك الوقت أنها سوف تلخبط لى عقلى فأجد نفسى فى آخر الصف بين الطلبة المتفوقين!

لا شئ ولكنه جهل . وخوف وفراغ . فقد حذرتنى أمى وأنا صغير ألا أتكلم مع أية بنت . ولم أفعل . ولا أعرف أحدا يعرف البنات وينشغل عن المذاكرة ! ورغم أننى انتقلت من مرحلة إلى مرحلة أعلى فى الدراسة والتفكير و أصبحت أناقش مشاكل كبرى فى الفلسفة و الدين ... فإن نصائح أمى كانت سلاسل فى يدى و ساقى وعقلى وكانت أقفالا من الحديد على قلبى ـ


أنيس منصور - الكبار يضحكون أيضاً

Wind of Change, Scorpions

Here's to the summer of 1992, my "risks" summer, to the friend who taught me to look for live music, especially when rock and orchestra blend, and to these days of chaos and little hope may we learn from the past.

عـصـفـور الـلـى عـمـره مـا غـاب

عصفور رجع تانى ... مع إنه عمره ما غاب
على شط النيل عصافير كتير ... يا خسارة علي الجدعان

فتش عن النسوان
تعرف سبب الاحزان
ورمش عين الحبيبة
يفرش على فدان

***

انا كنت صياد
وصيد السمك غيه
نزلت بحر السمك
أصطاد لى بـنًّـيًّـه
وعجبنى شكل السمك
فى البحر حواليًّـه
واحدة بياض شفتشى
والتانية بُلطية
والتالتة من بدعها
سحرت مراكبيه

***

ورمش عينها يا ناس
يفرش على الميه
واحدة بياض شفتشى
والتانية بلطية
والتالتة من بدعها
غرًّقها فى الميه

من يوميات نائب فى الأرياف - توفيق الحكيم

جـبـانـة

جبانة !! مالهاش وصف تانى .
لسه خايفة تواجه .
تواجه إيه ؟؟
كلمات و حروف ... مش أكتر . لونهم إتغير بعد المدة دى كلها لكن لازالت خايفة منهم.
يا ترى ده معناه إيه بالظبط ؟هى فعلا جبانة و لا بتوهم نفسها بكده؟
يمكن هى شجاعة إنما مش بتحب تخلق عفاريتها بإيدها !
هو إحنا بنخلق عفاريتنا ولا هى موجودة مجرد إننا بنحضرها أو نصرفها ؟
نخلقها أو نحضرها مش فارق المهم وجودها اللى مش بيريحنا
والحل!
تقنع نفسها انها شجاعة و انها مأجلة المواجهة مش أكتر
يمكن
!!!

تـبسـيـط مُخِـل

!مجرد شوية كيماويات

The Bridges of Madison County (1995)

These are for you meshmesha, learn them well,

Francesca: Robert, please. You don't understand, no-one does. When a woman makes the choice to marry, to have children; in one way her life begins but in another way it stops. You build a life of details. You become a mother, a wife and you stop and stay steady so that your children can move. And when they leave they take your life of details with them. And then you're expected move again only you don't remember what moves you because no-one has asked in so long. Not even yourself. You never in your life think that love like this can happen to you.
Robert Kincaid: But now that you have it...
Francesca: I want to keep it forever. I want to love you the way I do now the rest of my life. Don't you understand... we'll lose it if we leave. I can't make an entire life disappear to start a new one. All I can do is try to hold onto to both. Help me. Help me not lose loving you.

Robert Kincaid: Things change. They always do, it's one of the things of nature. Most people are afraid of change, but if you look at

and this one is for me I guess!

Robert: The old dreams were good dreams; they didn't work out, but glad I had them.

: وقــالــت

قد طهّرني الألـم لكنني ...عـدت غفلاً كما بدأت

Par une amie

Le monde est si beau que l'on croit qu'il durera eternellement, et puis le temps passe, on vieillit et l'on s'apercoit qu'il peut disparaitre, que tout a une fin.....

ببـسـاطـة ....عبــد الـوهــــاب

من كام يوم كانت الذكرى الـ 18 لوفاة محمد عبد الوهاب ( الله يرحمه ) أنا مش خبيرة موسيقية ولا حتى أعرف أوليات الموسيقى أنا مجرد مستمعة لكن وجهة نظرى الشخصية اللى ممكن تتعارض مع بعض الأراء المتخصصة و اللى كمان مش هاتضيف حاجة جديدة أنه ببساطة عبقري مصري صميم المفروض نحافظ على تراثه و ننشره أكثر بكثير من الحاصل حاليا لأنه لمصر حاجة زى بيتهوفن لألمانيا محدش بيقول إن بيتهوفن راحت عليه و إحنا فى القرن الواحد وعشرين!!.
ده رأى مش بناء على غسيل المخ الإعلامى المعتاد اللى لما يقرر أن فلان كويس يبقى ما بيغلطش بس بناء على ثلاث حيثيات
أولا : الاغنيات اللي سمعتها له سواء كملحن أو مطرب - وبأشدد على مطرب علشان مينفعش أقول عن عبد الوهاب انه مغنى فى حين حضرات المذيعين بيقولوا عن سعد الصغير و تامر حسنى مطربين !!!!
ثانيا :عدة كتب ومقالات قرأتها عن حياته و نشأته منها اللى هو أملاه و منها المكتوب عنه قبل وبعد وفاته من معاصريه
ثالثا : لقاءاته هو شخصيا مع سعد الدين وهبة فى البرنامج التسجيلي النهر الخالد وده اتعرض على ما اتذكر بعد وفاته مباشرة على التلفزيون المصري

بالنسبة لى عبد الوهاب ببساطة عبقري مش للموسيقي اللى أنتجها إنما للشخصية اللى كونها و اللى نتيجة من نتائجها هى الموسيقى اللى احنا لازلنا بنستمتع بها للنهاردة. الشخصية اللى بهرتنى بأناقتها فى الكلام والحركة - اللى ممكن تؤخذ عليه أحيانا كتصنع - والمظهر فى برنامج النهر الخالد لشخص تعدى الثمانين . كمان بهرتنى بذكائها و لباقتها - دبلوماسية قاتلة أحيانا - وكمان خفة دمها المحسوبة . الشخص اللى القدر ساعده أحيانا لكنه إستثمر المساعدة دى أضعاف أضعاف إلى أن أصبح هرم من اهرام مصر الحديثة.

عبد الوهاب حسب كل الروايات من أصل شعبى - حى باب الشعرية القاهرة - إحترف الغناء صغيرا و إحتضنه أمير شعراء العربية فى العصر الحديث أحمد شوقى و ساعده إنه ببساطة فتح له الطريق لأشياء كثير متضاربة أحيانا لكنه - عبد الوهاب - إمتصها جميعا و أنتج أولا شخصيته ثم فنه و حياته كلها .

عبد الوهاب لو ما كانش موسيقى كان ها ينجح جدا كلاعب شطرنج محترف على ما أعتقد. ذكى وهادئ و عنده بعد نظر و يقدر يستوعب أى تغييرات فى الموقف. عاصر مصر من أيام السلطنة للملكية للجمهورية ... ملكين وأربع رؤساء جمهورية ، حربين عالميتين و أربع حروب مصرية إسرائيلية . التخت الشرقى البسيط والأوبرا والجاز و التانجو والروك أند رول. الحنطور وعربية الرش و الأنسان على القمر و مكوك الفضاء .بالنسبة لي هو محظوظ أنه مر بالتغيرات دي . وذكي لأنه استوعبها كلها بالإضافة للتغيرات فى محيطه الإجتماعى و الثقافى . يمكن أنا شخصيا بأحسده لأنى يمكن لو فى مكانه ماكنتش هأستوعب التغيرات و فى الغالب كنت هأنزوي أكثر فى مكان ما! ... مش مهم أنا المهم أن عبد الوهاب بفضل ذكائه ده و حظه السعيد و حظنا الأسعد أبدع موسيقى على مدى سبعين سنة تقريبا ممكن تؤرخ لتطور الموسيقى فى مصر و العالم العربى وتؤرخ كمان لتاريخ مصر خلال القرن العشرين .

موسيقى عبد الوهاب بالنسبة لى -و مع وجود ملحنين عظام أخرين فى نفس الفترة أحب أستمع لأغنياتهم و موسيقاهم جدا - إتمتعت بشئ بيخلينى أنا غير المتخصصة و حتى غير الملمة بالمبادئ أعرفها على طول و اقول دى بتاعة عبد الوهاب .موسيقاه فيها نوع من الأناقة غريب وماقدرش أوصفها غير بـ "الأناقة " مش غيرها . حاجة راقية إجتماعيا مش موسيقيا و بس ومهما كانت مغرقة فى الشرقية و لا حتى السياسة - يعنى الأغانى اللى لحنها فى الستينات بالذات - و لا حتى قطع موسيقى الرقص الشرقى اللى لحنها كل الموسيقى دى كانت "أنيقة " زى ماتكون موسيقى ملحنها أمير أو أرستقراطى من أعلى طبقة بيتمتع بتهذيب عالي جدا - جنتلمان ... يعني مثلا ديفيد نيفن ولا كارى جرانت أو الأمير تشارلز - و فى نفس الوقت وده يمكن غريب إنى أقوله بس دائما الأحساس ده بأحسه فى ألحانه إن مهما كانت مهذبة و أنيقة و راقية كان عبد الوهاب غالبا بيحب يحط فيها لحظة "مشاغبة"... ببساطة الجنتلمان الأنيق الراقى جدا فى تعامله لثوانى بيظهر منه جانب معاكس تماما مش عارفة أوصفه إلا إنه جرئ أو وقح أو لعوب أو مشاغب أو حتى شعبي جدا وكل ده مش بالمعنى السيئ للكلمات دى إطلاقا بالعكس دي دايما مفاجأة لذيذة فى موسيقاه .
طبعا بدون الحاجة لإعادة ذكر تأثره بأحمد شوقى، عبد الوهاب كان فنان فى إختيار الكلمات اللى بيغنيها قبل ما يكون فنان فى تلحينها . شخصيا بأحب أغانيه الوطنية و القومية بالضبط زى أغانيه العاطفية أو موسيقاه المجردة. ألحانه بتدينى فرصة أستمتع بالكلام لوحده و أستوعبه واللحن لوحده و أحس به. حتى لو كانت الاغنية قصيرة زى اللى إخترتهم المرة دى . وبالنسبة لى أن من أفضل الأغنيات الوطنية إن لم تكن أفضلها على الإطلاق اللى أكيد المصري لما يسمعها يفتكر مصر هى النهر الخالد .عن نفسى فى لحظات العمل بأحب أسمع أغانيه و خصوصا القصائد .أغنية زى دمشق بتطربنى فعلا مع إنها سياسية !!
عبد الوهاب بيسعدني دايما أسمع أغانيه اللى أعرفها له و حتى لو فيه أغانى ماكنتش بأفضلها له أو مش بأحبها ففى لحظات معينة وبدون تحيز بأكتشف أن الأغنية دى بقت مفضلة عندى لأن ببساطة كلامها و لحنها أنا اللى ماكنتش على مستواهم . الله يرحمه.

أنا إخترت أغنيات "شبابية" لعبد الوهاب اللحن سريع و المدة قصيرة ...لكن بكلمات و بطرب

يا دنيا يا غرامى



عندما يأتى المساء

@night

These two songs I recommend listening to at night in a quiet room.
For me, and even if it's noon, they set the same atmosphere I just described, a quiet night in a quiet room. A different detail in each song, for Paris, it's always a dark room ... looking on deserted rainy street, an hour or so after mid-night, with half closed white window curtains. For the head and heart, It's a wooden walls dark room, lit in a very dim yet warm way, mostly I can't see clearly into this room but I know the really heavy curtains are there because I can never see the dawn that's coming.

My favorite of the two? ........ there is always a favorite even if we don't admit it, there is always the 0.00005% that makes the difference ..........The Rainy night in Paris.

I hope anyone who listens to these two will like them as I do.

A rainy night in Paris


The head and the heart

........Is Never !

Tracy Lord: The time to make up your mind about people is never.

from te movie The Philadelphia Story (1940)