ـ "... إن فى الإنسان منطقة عجيبة سحيقة لا تصل إليها الفضيلة ولا الرذيلة ، ولا تشع فيها شمس العقل والإرادة ، ولا ينطق لسان المنطق ، ولا تطاع القوانين والأوضاع ، ولا تتداول فيها لغة أو تستخدم كلمة ... إنما هى مملكة نائية عن عالم الألفاظ والمعاني ... كل مافيها شفاف هفاف يأتي بالأعاجيب فى طرفة عين ... يكفي أن ترن فى أرجائها نبرة ، أو تبرق لمحة ، أو ينشر شذا عطر ، حتى يتصاعد من أعماقها فى لحظة من الإحساسات والصور والذكريات ، ما يهز كياننا ويفتح نفوسنا على أشياء لا قبل لنا بوصفها ، ولا بتجسيدها ، ولو لجأ إلى أدق العبارات و أبرع اللغات ... " ـ

توفيق الحكيم

Within man lies a deep wondrous spot, to which neither virtue nor vice can reach. Upon which the sun of reason and will never rise. In which the mouth of logic never speaks, the laws and rules are never obeyed, and not a language is used nor a word is ever spoken.
It is a distant Kingdom, beyond words and meanings. With everything is a sheer murmur offering wonders in a blink. From the depths of which, suffice a single tone or a flash of mind or a scent of a perfum, to allow rise of emotions, pictures and memories, a rising that will shake our being and open ourselves to things we can neither describe nor materialize even if we used the most refined of phrases or the most skillful of languages.

Tawfiq Al-Hakim.
(My humble transalation of the arabic text)

Monday, February 26, 2007

أســماء وأكـــثر

الأشخاص اللى بنقابلهم فى حياتنا. أو حتى بدون ما نقابلهم. مجرد نقرأ عنهم أو نقرأ لهم. نسمعهم فى راديو او تليفزيون أو نتأثر بهم بأى صورة من الصور أحيانا بيتركوا أثر غريب شوية فينا. يخلونا نحب أو نكره الإسم اللى حملوه فى يوم من الأيام . أو بنعلم الإسم ده بعلامة .طبعا بيكون فيه إستثناءات . إنما لأن الأغلبية بتكون مجتمعة على صفة واحدة .بيرتبط الإسم فى ذهننا بصفة واحدة و يمكن أكتر و لما تسمعه ممكن تقول يييييييييييه أنا عمرى ماحبيت الإسم ده كان فيه واحد/واحدة اعرفه أعووووذ بالله . أو تقول - اه أنا كنت اعرف واحد/واحدة أسمه/اسمها كده و كان/كانت راااائع/ة . مثلا بالنسبة لى إسم أسامة يعنى الذكاء . لأن كل الأشخاص الللى عرفتهم بإسم أسامة كانوا قمة فى الذكاء . إسم ريم بيرفع معاه علم الجمال .أى ريم عرفتها كانت جميلة !! . إسم جمال غالبا بيرفع علامة الشخصية الكاريزمية - حبيتها أو كرهتها - ماتقدرش تنكر الكاريزما اللى بيتمتع بيها صاحب الإسم ده .فى يوم من الأيام أغرمت بإسم سوزان بسبب ممثلة كانت بتعجبنى أدوارها . و حبيت إسم فاتن بسبب رقة كل فاتن عرفتها بداية من فاتن حمامة.مثلا أنا لي اسماء مفضلة جدا لأشخاص لم و لن اقابلهم ابدا بسبب مواقف او قصص معينة مرتبطة بيهم و اسماء اكرهها بسبب أصحابها اللى ممكن برضه ماكونش قابلتهم أصلا إنما تركوا انطباع سيئ بصورة ما .ـ
غريب فعلا تداعى الأفكار من مجرد ذكر إسم .و الصور و المشاهد اللى إسم واحد بيستحضرها للعقل بتكون أحيانا أغرب من اننا نفسر مصدرها و جت منين بالضبط. أنا سئلت السؤال ده لمجموعة من الأصدقاء و كان ردهم مشابه جدا لوجهة نظرى .الأسماء مش مجرد اسماء و بس

2 comments:

lastknight said...

اسمه فى علم النفس الأنطباع الشرطى .. هو انطباع يتولد من أدراك ( رؤيه , سمع , قراءه, لمس .. ألخ ) يستثير انطباع محفوظ فى الذاكره من الماضى .. و يضع شروطه على أدراك الكيان الحالى
....
بالمناسبه .. أنتى ماتنفعيش قاضى كده .. هاهاهاه

Mmm! said...

إقولك الحق ... أنا مانفعش حاجات كتير . ...هههه

الإنطباع الشرطى ! شكرا على المعلومة .. ممكن أفكر أقرأ عنه مرة