عموما انا بأحب أتفرج على تخريج الدفعات العسكرية . و أنا طالبة كانت لحظات على الهواء بأطير فيها من السعادة وأعيد المشاهدة مع إعادة العرض ، دلوقتى لظروف العمل بأتابع بس إعادة العرض وللأسف مش كل الكليات ، بتبقى حسب الظروف. لكن ... من اللحظات السعيدة جدا فى حياتي أني أتفرج على الأولاد دول فى إستعراضاتهم ببدلهم و كاباتهم . جسمي بيقشعر من خليط الرهبة و الفرحة اللى بأحسه
ونشيد الجيش كلماته دائما بتسرق تركيزى فى الصورة... أى صورة. كلمات عن مصر بس مش عن أى وطن ... مش غريب لما يكون فاروق جويدة هو المبدع . اللى دائما كان بيعلق فى ذهنى هو المقطع الأول من النشيد
رسمنا على القلب وجه الوطن
نخيلا ونيلا وشعبا اصيلا
وصناك يا مصر طول الزمن
ليبقى شبابك جيلا فجيلا
على كل ارض تركنا علامة
قلاعا من من النور تحمى الكرامة
عروبتنا تفتديك القلوب
ويحميك بالدم جيش الكنانة
ده النشيد بس مش كامل ... لكن مش مهم :)
No comments:
Post a Comment