إمتى ممكن تجيلنا الجرأة ونرجع تانى نفتح خزينة ذكرياتنا الجميلة ؟؟ بعد زمن طويل و لا قصير ! ولا أبدا مش بتيجى الجرأة الكافية ؟ وليه بنحس بالحنين اننا نرجع لها ونعيشها تانى ولو كذكرى ؟ صحيح هى جميلة لكن المفروض أن الحياة تستمر! ... يمكن دى تكون أول مرة أكتشف أن الرجوع لذكرى جميلة مش سهل أبدا لأن كلما كانت جميلة فى الماضى فإحساسنا بالأسى لضياع زمنها بيكون أقوى وإحساسنا بالألم لما نفتكر سبب الضياع أو ملابساته أحيانا بيضيع اى إحساس بجمال الذكرى.
طول عمرى ماحبتش أحتفظ ماديا بذكرى خاصة ... والأكثر من كده ... محبتش أسيب ذكرى مادية . بمكن التعديل البسيط هو البلوج ده . هو ذكرى مادية ليا "لكن" لمجموعة محدودة أقل من عدد أصابع يد واحدة تعرفنى شخصيا .. الباقى أشخاص ماتعرفش عنى أى شئ محدد. مرة من المرات القليلة اللى إحتفظت فيها بشئ يهمنى علشان أفتكره كل ما ينادينى حنين هى اللى علمتنى درس جديد فى حياتى ... أننا ممكن نرمى بنفسنا مفتاح خزينة ذكرياتنا الجميلة لمجرد تفادى ألم هايصحب فتحها . جبن ! هشاشة ! ولا مجرد خيالية بائسة... إستحضار للذكرى بطريقة مختلفة .. إستمتاع بألم الذكرى بمعنى تانى! الغريب إننا ممكن نرمى المفتاح لكن نحتفظ بالخزينة.... ليه
مجرد أفكار مرت فى دماغى ... مش مرتبة لكن حبيت أقولها .... عموما الأفكار مابقتش مرتبة فى دماغى من فترة ويمكن ماترجعش مرتبة تانى أبدا
طول عمرى ماحبتش أحتفظ ماديا بذكرى خاصة ... والأكثر من كده ... محبتش أسيب ذكرى مادية . بمكن التعديل البسيط هو البلوج ده . هو ذكرى مادية ليا "لكن" لمجموعة محدودة أقل من عدد أصابع يد واحدة تعرفنى شخصيا .. الباقى أشخاص ماتعرفش عنى أى شئ محدد. مرة من المرات القليلة اللى إحتفظت فيها بشئ يهمنى علشان أفتكره كل ما ينادينى حنين هى اللى علمتنى درس جديد فى حياتى ... أننا ممكن نرمى بنفسنا مفتاح خزينة ذكرياتنا الجميلة لمجرد تفادى ألم هايصحب فتحها . جبن ! هشاشة ! ولا مجرد خيالية بائسة... إستحضار للذكرى بطريقة مختلفة .. إستمتاع بألم الذكرى بمعنى تانى! الغريب إننا ممكن نرمى المفتاح لكن نحتفظ بالخزينة.... ليه
مجرد أفكار مرت فى دماغى ... مش مرتبة لكن حبيت أقولها .... عموما الأفكار مابقتش مرتبة فى دماغى من فترة ويمكن ماترجعش مرتبة تانى أبدا
No comments:
Post a Comment