ـ "... إن فى الإنسان منطقة عجيبة سحيقة لا تصل إليها الفضيلة ولا الرذيلة ، ولا تشع فيها شمس العقل والإرادة ، ولا ينطق لسان المنطق ، ولا تطاع القوانين والأوضاع ، ولا تتداول فيها لغة أو تستخدم كلمة ... إنما هى مملكة نائية عن عالم الألفاظ والمعاني ... كل مافيها شفاف هفاف يأتي بالأعاجيب فى طرفة عين ... يكفي أن ترن فى أرجائها نبرة ، أو تبرق لمحة ، أو ينشر شذا عطر ، حتى يتصاعد من أعماقها فى لحظة من الإحساسات والصور والذكريات ، ما يهز كياننا ويفتح نفوسنا على أشياء لا قبل لنا بوصفها ، ولا بتجسيدها ، ولو لجأ إلى أدق العبارات و أبرع اللغات ... " ـ

توفيق الحكيم

Within man lies a deep wondrous spot, to which neither virtue nor vice can reach. Upon which the sun of reason and will never rise. In which the mouth of logic never speaks, the laws and rules are never obeyed, and not a language is used nor a word is ever spoken.
It is a distant Kingdom, beyond words and meanings. With everything is a sheer murmur offering wonders in a blink. From the depths of which, suffice a single tone or a flash of mind or a scent of a perfum, to allow rise of emotions, pictures and memories, a rising that will shake our being and open ourselves to things we can neither describe nor materialize even if we used the most refined of phrases or the most skillful of languages.

Tawfiq Al-Hakim.
(My humble transalation of the arabic text)

Sunday, November 23, 2008

مش فاهمة

موقف تعرضت له من اربع شهور ... وبغض النظر عن تفصيل الموقف وتداعياته ونتايجه لحد دلوقتى مافهمتش دواعيه وأسبابه حاولت كتير ألاقى تفسير منطقى ومش لاقية . اقرب تفسيرين واحد هاعتبره ساذج ولو إنه محتمل بنسبة قليلة، لكن يمكن التفسير الوحيد اللى شبه منطقى مش على هواي وبالتالى مش عاوزة أصدقه!؟؟؟. أعترف انى تغلبت على أغلب التداعيات السلبية للموقف وبالعكس حاولت أكون ايجابية التفكير لكن بصراحة أحيانا -زى دلوقتى- بأرجع أفكر وأفكر فى تفسير لكن لازلت بأقول "مش فاهمة!". المشكلة ان مفيش أى حد يقدر يدينى تفسير صحيح !!!. بس يا ترى الأحسن أفضل مش فاهمة ؟؟؟ دى انا مش عارفاها .

2 comments:

u3m said...

ومين قال ان لازم كل حاجة تبقى مفهومة وان لازم يكون ليها تفسير يرضينا ؟؟

دى الحاجات اللى بتخلى عقلنا يهنج والسيستم يقع .. احسن حاجة نعمل ريستارت ونكمل عاااادى جدا ولا كأن حاجة حصلت .. واحسن علاج مضمون النجاح هو الزمن مصحوبا ببعض الادعاء بأن كل شىء على مايرام وانه محصلش حاجة ابدا

Mmm! said...

مش بقول تفسير يرضينا ... بس تفسير، مجرد تفسير لأن بدونه بيحصل زى انت ماقلت ان السيستم بيقع من محاولة الفهم وانت مش معاك كل المعطيات . بالتأكيد الزمن أحسن علاج لأى شئ لكن ماأعتقدش الإدعاء بأن كل شئ تمام هو الحل يمكن بالنسبة لى الفهم أحسن سواء عجبنى اللى هافهمه او ماعجبنيش .لكن الشئ المؤكد فعلا اننا لازم دايما نكمل "عااااادى خالص " ـ اشكرك على التعليق واهلا بك دايما