مع انى ماكنتش عاوزة اكتب اى حاجة ليها علاقة بالسياسة انما مضطرة
السيد المحافظ - قصر الله مدة ولايته عشان كفاية اللى حصل بقى - اول ما جه أسكندرية قرر إن مشكلتها الوحيدة تتلخص فى الأرصفة . مش الشوارع يعنى . الأرصفة اللى كانت بقالها 50 سنة فى وسط البلد ومتناغمة جدا مع المبانى القديمة أو30 سنة فى الشوارع الفرعية العامرة أو حتى اللى لسه الروتارى مساهمين فيها من 3 -4 سنين . كل الأرصفة دى بقى لااااااااااااااازم تتشال كلها وفى وقت واحد وتتجدد. طيب و الشوارع اللى أكلها السوس !!. مش مشكلة ماهى طول عمرها مضعضعة . المشكلة فى الأرصفة .شيلوا أرصفة أسكندرية كلها فى وقت واحد - و الكلام ده مستمر من 6 شهور -. وبعدين إعملوا حافة رصيف خط واااااااحد صب أسمنت - حد يشيل البازلت اللى يعيش قرون من وسط البلد يا عاااااااالم ويحط أسمنت لو خبطته بسكليتة يتكسر - والحافة دى طبعا إرتفاعها مايقلش عن 30 سم يعنى أعلى من أى رصيف كان موجود قبل كده حتى اللى كان من كتل خرسانة. بحيث إن فى اماكن كثيرة الرصيف بقى أعلى من مداخل العمارات !!!! و ماتنسوش تحطوا خلطة الخرسانة والزلط وما تحطوش البلاط على الرصيف. لازم تعملوا الحافة واللى يفكر يعبرها لازم يقابل المانع الحصين التانى اللى هو الرصيف اللى مش مرصوف عشان يا يتكعبل يا يحصله إلتواء فى الكاحل . النتيجة اللى مالهاش أى لازمة انه بعد 6 شهور لا زال فيه شوارع بدون أرصفة محترمة وعلى بال ما الأرصفة تخلص و ييجى عليها الشتاء الجاى او اللى بعده بالكتير الأسمنت هايكون بااااااش من المطر و نعيده تانى.
السيد المحافظ - قصر الله مدة ولايته عشان كفاية اللى حصل بقى - اول ما جه أسكندرية قرر إن مشكلتها الوحيدة تتلخص فى الأرصفة . مش الشوارع يعنى . الأرصفة اللى كانت بقالها 50 سنة فى وسط البلد ومتناغمة جدا مع المبانى القديمة أو30 سنة فى الشوارع الفرعية العامرة أو حتى اللى لسه الروتارى مساهمين فيها من 3 -4 سنين . كل الأرصفة دى بقى لااااااااااااااازم تتشال كلها وفى وقت واحد وتتجدد. طيب و الشوارع اللى أكلها السوس !!. مش مشكلة ماهى طول عمرها مضعضعة . المشكلة فى الأرصفة .شيلوا أرصفة أسكندرية كلها فى وقت واحد - و الكلام ده مستمر من 6 شهور -. وبعدين إعملوا حافة رصيف خط واااااااحد صب أسمنت - حد يشيل البازلت اللى يعيش قرون من وسط البلد يا عاااااااالم ويحط أسمنت لو خبطته بسكليتة يتكسر - والحافة دى طبعا إرتفاعها مايقلش عن 30 سم يعنى أعلى من أى رصيف كان موجود قبل كده حتى اللى كان من كتل خرسانة. بحيث إن فى اماكن كثيرة الرصيف بقى أعلى من مداخل العمارات !!!! و ماتنسوش تحطوا خلطة الخرسانة والزلط وما تحطوش البلاط على الرصيف. لازم تعملوا الحافة واللى يفكر يعبرها لازم يقابل المانع الحصين التانى اللى هو الرصيف اللى مش مرصوف عشان يا يتكعبل يا يحصله إلتواء فى الكاحل . النتيجة اللى مالهاش أى لازمة انه بعد 6 شهور لا زال فيه شوارع بدون أرصفة محترمة وعلى بال ما الأرصفة تخلص و ييجى عليها الشتاء الجاى او اللى بعده بالكتير الأسمنت هايكون بااااااش من المطر و نعيده تانى.
No comments:
Post a Comment