أقبل الليل . تاني :)... أو ثالث .. .أو 100 حتى !:D

 النهاردة الخريف هلت روائحه جدا :) البحر و الغروب و هواء الخريف  أستدعوا أقبل الليل جدا و كانت مناسبة جدا جدا ..

لحن عبقري .. نظم عبقري .. وأداء عبقري 

https://www.youtube.com/watch?v=WBrwvLWxbVA

. أم كلثوم كانت فعلا هدية السماء لمصر و العالم فى القرن العشرين :)  الحمد لله

ثورة الشك ... أم كلثوم

 ... فى يوم من الأيام من سنين حطيت الأغنية دى فى البلوج .. كأغنية مفضلة ليا من أغانى العبقرية  أم كلثوم  لكن دايما دايما  كنت بأفكر ... يا ترى الأغنية دى ممكن تعبر فى الزمن ده عن موقف بين محبين زى ما باقى أغاني أم كلثوم بتعبر؟  ...و تعبير عبقري الحقيقة فى كل أغانيها على الأقل اللى أنا أعرفها.. بصراحة .. كنت أستبعدها دايما من الأغانى اللى ممكن تنطبق فى الزمن الحالى ..معرفش ليه

لحد ما إتحطيت أنا فى موقف خلى الأغنية دى هى المعبر الوحيد تقريبا عن حالى .. ثورة شك و تردد بين حالين. مش شك الخيانة... شك الهجر .. هل ممكن يكون خلاص قرر أنه يتخلى عنى ... هل تصرفاته دى بتعنى كده زي ما بالتأكيد يمكن تفسير التجاهل التام لوجودي!...ولا تصرفاته دى لها تفسير منطقى أنا و صلت له بعد عذاب ... هو تفسير لحد ما على الجانب المتفائل ... أنه خايف يقرب منى تانى... لحد أما نشوف هانوصل لأيه  ...ده تفسير كان بيحطنى على الجانب الهادى نسبيا ... الجانب العاصف بقى كان الوضع فيه أنه هجر و كمان فيه واحدة تانية ظهرت فى الصورة ... جانب كان فيه خوفى من فقده و غيرة حبيبة ما أخدتش فرصتها أنها تدافع عن حقها فى حبيبها اللى خدته واحدة تانية و كبرياء أنثى مش متقبلة فكرة أنها هجرت. بس أنا أزاى أشك  فيه هو ... حبيبي اللى وثقت فيه الثقة دى كلها ؟؟ جزء كبير من ثورتى الداخلية سببه عدم تصديقى انه ممكن  يخون ثقتى فيه .. انه على الأقل لو قرر هجري ها يتحلى بشجاعة كافية أنه يقول لى كده مباشرة بدون لف و لا دوران و لا انسحاب صامت 

بناء عليه إكتشفت كالعادة مدى عبقرية أم كلثوم فى إختيارها لكلمات أغانيها ... و هاحط الأغنية هنا تانى          

الله يرحمك يا ست بحق المشاعر اللى عبرتي عنها نيابة عن ناس كتير        

أراك عصي الدمع - أم كلثوم / السنباطي / أبي فراس الحمداني

ودي كمان سمعتها امبارح بالليل :) فيه ناس ربنا خلقها علشان تسبب البهجة لغيرها

أقبل الليل - أم كلثوم

الناس دى كانت بتفهم :) ـ

أم كلثوم 6

عمري ما ركزت على الصورة لو شفت أم كلثوم بتغنى على التليفزيون . يكفينى إنى بأسمع الصوت .لكن بالصدفة كان بيذاع تسجيل لحفلة لها - أعتقد فى دولة عربية غير مصر وإحتمال كبير تكون تونس - وكانت الأغنية هى رائعتها الأطلال . الجزء اللى شفته كان الأربع أبيات الأخيرة من الأغنية . لأول مرة أكتشف إنها بالإضافة لتمكنها الشديد طبعا من التعبير بالصوت فهى كمان كانت عندها إحساس وقدرة رهيبة على التعبير بالوجه والجسم. بجد قدرة رهيبة . الأربع أبيات دول بيحملوا كمية مشاعر متناقضة ومتداخلة ... الأسى ، الرضاء ، الحكمة ، الرجاء ، الأمل ، الكبرياء ، الإستسلام ، القوة و الإيمان . تعبيرات عينيها و وجهها ويديها كانت معبرة جدا لدرجة إنى للحظة نسيت تماما أنى مش فى الحفلة وأن أم كلثوم ماتت أساسا من 32 سنة مش واقفة قدامى. وكنت على وشك أطلب منها تعيد .فى نفس اللحظة وأنا مدركة إن دى أخر الأغنية كنت زى اللى عاوز يوقف الزمن للحظة عشان يستمتع بالتعبيرات المدهشة دى . لدرجة الإحباط من برضه إدراكى أن ده مستحيل . يمكن التصوير كان قريب منها فى الحفلة دى بالذات زياده عن المعتاد لانها ماكنتش بتحب الكاميرا قريبة منها او يمكن لأنى بأحب الأطلال ركزت . بس فعلا أنا إندهشت .. هاقول إيه .. الله يرحمها

أم كلثوم 5

أكاد أشك في نفسي لأني
أكاد أشك فيك وأنت مني

يقول الناس إنك خنت عهدي
ولم تحفظ هواي ولم تصني

وأنت مناي أجمعها مشت بي
إليك خطى الشباب المطمئن

يكذب فيك كل الناس قلبي
وتسمع فيك كل الناس أذني

وكم طافت علي ظلال شك
أقضت مضجعي واستبعدتني

كأني طاف بي ركب الليالي
يحدث عنك في الدنيا وعني

علي أني أغالط فيك سمعي
وتبصر فيك غير الشك عيني

وما أنا بالمصدق فيك قولا
ولكني شقيت بحسن ظني

وبي مما يساورني كثير
من الشجن المؤرق لاتدعني

تعذب في لهيب الشك روحي
وتشقي بالظنون وبالتمني

أجبني إذ سالتك هل صحيح
حديث الناس خنت؟ألم تخني
... ...
أكاد أشك في نفسي لأني
أكاد أشك فيك وأنت مني

يقول الناس إنك خنت عهدي
ولم تحفظ هواي ولم تصني

وأنت مناي أجمعها مشت بي
إليك خطى الشباب المطمئن

أم كلثوم 4

أراكَ عصيَّ الدَّمْعِ شيمَتُكَ الصَّبْرُ *** أما لِلْهَوى نَهْيٌ عليكَ و لا أمْرُ؟

نعم، أنا مُشْتاقٌ وعنديَ لَوْعَةٌ *** ولكنَّ مِثْلي لا يُذاعُ لهُ سِرُّ!

إذا اللّيلُ أَضْواني بَسَطْتُ يَدَ الهوى *** وأذْلَلْتُ دمْعاً من خَلائقِهِ الكِبْرُ

تَكادُ تُضِيْءُ النارُ بين جَوانِحي *** إذا هي أذْكَتْها الصَّبابَةُ والفِكْرُ

مُعَلِّلَتي بالوَصْلِ، والمَوتُ دونَهُ *** إذا مِتُّ ظَمْآناً فلا نَزَلَ القَطْرُ

وَفَيْتُ، وفي بعض الوَفاءِ مَذَلَّةٌ *** لفاتنَةٍ في الحَيِّ شيمَتُها الغَدْرُ

تُسائلُني من أنتَ؟ وهي عَليمَةٌ *** وهل لِشَجـِنٌ مِثْلي على حالِهِ نُكْرُ؟

فقلتُ كما شاءَتْ وشاءَ لها الهوى: *** قَتيلُكِ! قالت: أيُّهمْ؟ فَهُمْ كُثْرُ

وقلَّبْتُ أَمري لا أرى ليَ راحَة،ً *** إذا البَيْنُ أنْساني ألَحَّ بيَ الهَجْرُ

و قالتْ: لقد أَزْرى بكَ الدَّهْرُ بَعدنا
فقلتُ: معاذَ اللهِ بل أنتِ لا الدّهرُ

أم كلثوم 3

يا قلبي لو طاب لي زماني
وأنعم الدهر بالتداني

تبسَم الفجر فى عيوني
وغرد الطير فى لساني

وبـتُ من نشوتي أغني
والليلُ يروى الحديث عني

يا هدى الحيران فى ليل الضنى
قد غدوت الأن أدرى من أنا

أنا طير رنام
فى دنيا الأحلام
أنا ثغر بسام
فى صفو الأيام

كنت وحدي بين أوهامي و أطياف المنى
والتقينا فبدا لى يا حبيبى من أنا... أين أنا

أم كلثوم 2

على بلد المحبوب ودينى *** زاد وجدي و البعد كاويني

يا حبيبي دانا قلبي معاك *** طول ليلي سهران وياك

تتمنى عينى رؤياك *** أشكي لك وأنت تواسينى

يا هناي لما أفرح بـِك *** وأتهنا بقربك و أناجيك

وعينايَ تبقى فى عينيك *** أحكي لك وأنت تراعيني

يا مسافر على بحر النيل *** أنا ليَ في مصر خليل

من حبه ما بنام الليل *** على بلد المحبوب ودينى

أم كلثوم 1

الصب تفضحه عيونه وتنم عن وجد شئونه

وانا كتمنا الهوى والداء أقتله دفينه

يهتاجنا نوح الحمام وكم يحركنا أنينه

وتحمل القلب النسيم فهل يؤديها أمينه

قست القلوب فهل لقلبك ياحبيب من يلينه